Elite Studios; un proyecto nobo cu den solamente 4 siman a bira un realidad unda cu Covid -19 a pone Elite Productions & Entertainment transforma completamente den un rumbo nobo, innovativo y necesario asina ahustando e compania den e New Normal.
Elite Studios a habri su portanan official Diaranson, July 15 p’asina presenta e studio nobo na diferente stakeholders, partners. E edificio no ta uno nobo, pero uno cu a keda transforma usando diferente equipo y material existente pero alavez dunando e un cara, nomber y proposito nobo.
Elite Studios ta un studio unda cu lo por produci diferente shownan. Actualmente tin e Live Sessions cu ta tumando lugar tur Diadumingo 7 p.m. unda ta colabora cu diferente artista y musiconan, dunandonan asina e plataforma pa toca y presenta pa e pueblo di Aruba esaki ta en colaboracion cu TeleAruba. Un otro show ta e DJ Showdown, esta un show cu ta tuma lugar tur diabierna di 10 p.m. pa 11:30 p.m. unda cu dos DJ Local ta ‘battle’ cu otro den musica.
E plataforma mas nobo ta e 3 diferente shownan cu lo ta lansando e siman aki riba media nan social entre otro Youtube, Facebook y Instagram di Elite Studios.
E prome show ta un entertainment talk show asina yama No Filter in Paradise. Un show presenta pa dos amigo Samil Susebeek y Sharkkk Gario unda cu nan lo combersa riba diferente topiconan cu porta ainda ta un taboo. E idea ta teniendo combersacionnan cu nos tur ta pensa of tin pregunta riba dje y asina treciendo e topiconan aki den un manera divertido y educativo p’adilanti.
Un otro show ta Balanced Lifestyle, presenta door di Ivana Jansen conoci riba su rednan social como Ivana Fitness, un show cu lo presenta receta nan saludabel, tips riba con pa biba un bida mas saludabel y tambe lo demostra diferente ehercicionan cu por haci na cas riba cualkier nivel sea ta principiante, intermedio of experto avanza.
Por ultimo tin Spotlight, presenta pa George Bislip un experto den e mundo di makiyahe, moda y beyesa cu lo trece tips di beyesa y tendencia di moda. Lo tin diferente edicion entre otro Fashion Police, Make Overs y Beauty Tips.
Banda di esakinan – Elite Studios lo fungi tambe como un espacio di diferente camber “E-Rooms” na unda cu por haci webinars, seminars, presentations y shows virtual. Por haci esakinan por medio di zoom, facebook live, live streaming of cualkier otro plataforma.
Elite Studios ta ofrece diferente servicionan audio visual hunto cu esaki por ehempel content creation, green screen, virtual background, video production y mucho mas.
Pues, diferente proyectonan innovativo y creativo lo ta tumando luga den e studio aki. Elite Studios ta situa den Caya G.F. Betico Croes 21 (Pega cu La Moderna). Por bishita Elite Studios su Facebook page y Instragram pa ricibi mas informacion.
