PERFIL
E tin un ‘baby face’, pero asina mes por consider’e como un veterano di prensa cu un trayectoria di 14 aña tras di lomba. Si na esey, bo ta añadi cu for di mucha e tabata compaña su ta tata, e legendario Leo Vrolijk, anto ta henter su bida Andrew a wak e trabou di periodismo di cerca. Di e manera aki el a wak figuranan manera Carlmichael Bikker, Claret Lopez y Cadochi Kock cubriendo deporte y a bira su inspiracion pa drenta e mundo aki. Awo cu el a crea un nomber pa su mes, su mision ta pa keda mira nos atletanan triunfa y pone Aruba su nomber entre e grandinan.
1. Durante e pandemia, prensa ta ser tilda di fomenta panico. Di unda bo ta kere e pensamento aki ta bin?
E pensamento aki semper tabata tey y durante e pandemia aki hopi hende a uza nan social media pa duna nan opinion abiertamente. Opinion personal ta un derecho di cada persona y media lo mester haci e banda di trece informacion oficial di autoridadnan encarga cu esaki.
2. Na Aruba particularmente y durante e prome ola di covid, a tilda prensa di no ta profesional, y hasta di ta innecesario (corda toque de queda). Con bo lo contra argumenta esaki?
E prome ola a causa un conmocion den pueblo y no tabata compronde e motibo pakico prensa kier ta riba caya durante TDQ. Pero e colega nan cu a haci e trabou durante e dianan ey a demostra e importancia di trece e informacion di loke tabata sosode riba cayanan di Aruba di cual tabata e topico e siguiente dia.
Kico abo ta haci pa mehora e imagen y funcion di prensa na Aruba?
Dor di semper tin e opinion di ambos banda di medaya. Dunando e noticia los di bo opinion personal p’asina duna e televidente of e lector e oportunidad di crea nan propio opinion.
Nomber: Andrew Vrolijk Medio: TeleAruba Inicio den Prensa: 2006
