Hopi biaha den nos bida, un cos ta hiba na un otro te pone nos yega na destino nobo den nos bida inespera. Luis y Alexander a experencia esaki, awor cu nan negoshi Laura’s Beauty Supply, cu a crece y tin un presencia marca awe den e mundo di beyesa na Aruba. Un negoshi cu a cuminsa despues di a sufri un rechaso cu ta duna contenido na e palabra Thriver completamente.
Laura’s ta den fase di un modernisacion y remodelacion completo den e proximo periodo aki. Nos a haya contratiempo door di e pandemia pero e plannan ta riba mesa caba pa e remodelacion completo. Nos tabata hopi enfoca riba nos departamento di servicio of Beauty Salon. Nos ta wak Laura’s aki 5 aña, stabil y sigur mehorando y ofreciendo e mihor di nos conocemento.
