E realidad di cambio climatico y su consecuencianan mundial, y en espacial pa nos isla cu crecemento den e nivel di lama, ta exigi un manera di hiba bida diario cu respeta nos medio ambiente. Cu esaki den mente, e Hyundai IONIQ Electric ta haci su entrada den mercado di Aruba. Cu un di e causanan di cambio climatico e CO2 produci dor di auto su exhaust, IONIQ Electric ta presenta e solucion mas optimal contra motornan di gasolin, e inclusive compara cu autonan Hybrid of Plug-in Hybrid, cual mientras cu nan ta haya asistencia di motornan electrico, toch ta mantene un parti di su propulsion cu motor di gasolin.
Hyundai IONIQ Electric no ta produci ningun exhaust. Mas ainda, e no ta rekeri di azeta tampoco, como cu e motor electrico ta un “Permanent Magnet Type”, cual no ta experiencia ningun tipo di friccion. Cu esaki e motor su uso ta mas eficiente, y e ta mas duradero. Pa locual ta potencia ta ser indica cu IONIQ Electric por logra un aceleracion di 0 pa 100 Kph den menos cu 10,8 seconde, y esaki cu un ahorro substancial pa locual ta e gastonan.
Estimacion preliminario ta indica cu e IONIQ lo por costa den coriente un 30% pa 50% menos di locual un modelo cu motor di gasolin di size similar lo costa na pompstation. Y pa locual ta su maneho evaluadornan tanto na Europa como na merca ta duna impresion positivo pa locual ta e IONIQ. E auto ta stabiel y trankil, cu un bon aceleracion. Adicionalmente ta ofrece tres opcion di maneho, Normal, Eco y Sport, cual ta afecta tanto e cantidad di braking cu e auto ta haci normalmente pa asian recarga e bateria, como e nivel di potencia manda na e motor.
Y den un feature unico den mercado, e conductor por dicidi ki tanto regeneracion ta ser haci pa e coriente. Regeneracion di coriente ta tuma lugar ora auto ta baha speed, y e motro ta haci uso di esaki pa recarga e bateria. IONIQ Electric ta duna oportunidad di kies cuanto e motor ta ofrece na resistencia ora pia ta ser kita for di e throttle pa asina e regeneracion tuma lugar. Mas resistencia, mas ta e reduccion di speed ora kita pia di brake, y mas regeneracion di coriente na e bateria.
Hyundai a dicidi di haci IONIQ su styling atractivo y consistente cu otro autonan di Hyundai. Esaki ta un tactica diferente na esun usa dor di otro autonan electrico, cual design ta hopi diferente di autonan regular. IONIQ Electric su styling, denomina “Visual Aero” ta ofrece linjanan sofistica y refina, cu chrome accents na diferente punto di e auto, y un grill totalmente distintivo. E interior di e IONIQ Electric ta sigui cu e styling atractivo. Mas ainda, ta sigui cu e meta di responsabilidad ambiental, como cu e interior ta conta cu materialnan recicla.
Mas ainda, IONIQ Electric ta ofrece un variacion di features. Entre otro, IONIQ Electric ta conta cu wireless phone charging, Bluetooth, Reverse Camera, Steering Wheel Controls y mas. Pa locual ta e recarga di e auto aki, esaki por tuma lugar na un plug normal di coriente di cas, y esaki lo tuma for di bashi te full charge un 10 hora, cual ta haci un ocurencia normal cu doñonan di EV ta haci uso normal di coriente di cas pa cu esaki. Pa locual ta riba caminda, tin un red creciente di estacionnan di recarga, y Elmar ta preparando un infrastructura completo di puntonan di carga cu charger special, cual por recharge e auto completamente den menos di mey ora.
Elmar tambe ta ofreciendo e posibilidad di instala un aparato similar na cas di cliente, sea cu e lo pone prome cu caha di coriente y cliente lo paga pa esaki cu systema prepago cu lo ser usa den charging stations publico, of e ta haci e instalacion di esaki despues di e caha di coriente, cu cual cliente lo haci uso di e coriente di su cas cu e aparato aki.
IONIQ Electric ta conta cu e calidad di Hyundai, cual ya caba a ser refleha na premiacion pa IONIQ como “Car of the Year” tanto na Francia como na Sweden, den reconocemento pa e auto su calidad, excelente maneho y design. Naturalmente, e Hyundai IONIQ Electric ta conta cu e respaldo solido di piesa y servicio di Garage Centraal Aruba, cu un garantia completo di 5 aña. Esaki ta habri un opcion importante na clientenan cu te awor tabata forza di sea cumpra autonan segunda mano na nos isla of importa un auto si nan tabata desea di tin un auto di e tipo aki.
E invitacion finalmente a ser extendi pa tur esnan cu ta interesa den e Hyundai IONIQ Electric pa pasa bishita Garage Centraal Aruba pa sera conoci cu e auto aki.
