E di tres Bartenders’ Brawl a wordo teni riba 14 di Oktober 2017 conhuntamente cu Eat Local Restaurant Month. E evento, originalmente crea pa Island Temptations, a wordo ofreci y produci pa Renaissance Aruba Resort & Casino, y a tuma luga riba e beach na Renaissance Ocean Suites. E evento estilo “beach chic” a presenta shete di Aruba su top bartendernan, impreshonando e publico cu nan creacionnan original di craft cocktail.
Aruba su distribuidornan local di alcohol tabata e colaboradornan esencial cu a haci e evento aki un realidad proveendo tur e liquor y ingredientenan necesario pa produci e bebidanan excitante aki pa e participantenan di e evento por disfruta di dje. Renaissance su ekipo culinario a crea un abundancia di pasa palo sabroso pa esnan presente, incluyendo beef sliders jugoso, mini hot dogs, tempura di berdura, y mini Caesar salad, mientras cu e excelente deejay local Deejay Rustica a provee un ambiente relahante di musica pa e festividadnan.
E aña ‘ki, ademas di e cocktail di People’s Choice, un grupo di hurado a selecta e Judge’s Choice. Ricibiendo e cantidad mas grandi di voto for di esnan presente na e evento y ricibiendo e titulo di People’s Choice tabata e creacion moderno estilo di un punch, titula “Tropical Shades of Grey” for di bartender Nelson Molina di e Blue Bar na Renaissance, representando Tropical Bottling. E cuerpo di hurado a bin na un decision anonimo pa loke tabata nan favorito e “Mad Magdalena,” di bartender Yanis Garcia di Azia Restaurant & Lounge, representando Pepia Est.
E huradonan a elogia e factor di Umami di e cocktail aki cu tabata sabroso c’un toke di dushi y pica, balansando tur e sabornan aki na un tremendo manera. Aunke cu na ultimo tabatin solamente dos ganador, tur hende den e publico tabatin nan mesun favorito.
Juan Camilo Gomez, for di Aruba Marriott Resort & Stellaris Casino, a presenta un chic sparkling cocktail cu ta perfecto pa brunch y a wordo traha cu Lolea sparkling rose, un toke di gin, y patia fresco na nomber di distribuidor Manrique Capriles; Carmen Hurtado di Manchebo Beach Resort & Spa a colabora cu Arion Wine Company pa crea un cocktail elegante estilo di martini traha cu Tru Garden organic vodka y Fruitlab organic ginger liqueur; Jose Mestanza, gerente di BLT Steak na The Ritz-Carlton, Aruba, a crea un cocktail cu un textura cremoso crea pa un foam di keshi di cabrito cu a complimenta e Tito’s Vodka saborea cu bals di patia, distribui pa Divino NV; Giovanny Tromp di Marriott a partner cu Aruba Trading Company pa un cocktail rico y decadente estilo di un pasaboca, traha cu Hennessy Cognac y balansa c’un toke di pistachio, acaba cu coco y crema kima net prome cu e bebida a wordo sirbi; y La Cava a partner hunto cu Johan Luque di Azia Restaurant & Lounge pa crea un cocktail cu e delicioso y suave Ron Diplomatico Rum. La Cava generosamente a trece e bartender celebridad y ganador di premio Cesar Diaz for di Venezuela, pa bishita e isla y demostra su magia di mixologia pa e publico presente.
E ekipo na Renaissance Aruba Resort & Casino y Island Temptations tabata orguyoso di por a provee un arena pa Aruba su bartendernan talentoso por a demostra nan creatividad y sigui eleva mas ainda e isla su escena di craft cocktail, cual ta sigui crece. Un pabien ta bai na tur e bartendernan y distribuidornan cu a yuda haci esaki un anochi dinamico!
