Geoffrey Wever

Aruba mester un cambio y mi kier duna un contribucion positivo na nos pais basa riba locual mi a siña e ultimo 15 aña como abogado y consehero fiscal di sector comercial. Mi a realisa cu mi no por keda para un banda y wak y critica pero cu mi tin un obligacion pa duna un contribucion.

Mi ta hopi desapunta den e forma cu e partido nan grandi ta organisa y con semper tin decisionnan cu ta wordo tuma cu ta den interes den un grupo previligia y no ta den beneficio di pais Aruba y cu niun den partido ta lanta para y bisa esun cu a comete e eror pa tuma su responsabilidad. Partido RAIZ ta un partido cu a ser funda pa combati esaki y ta consisti di persona nan bon prepara, cada uno cu nan experticio y cada un cu un deseo grandi pa trece un cambio real den politica di Aruba. Mi ta sinti mi alinia cu partido RAIZ, su lider y nan vision pa Aruba. Mi ta di opinion cu den e manera cu coalicionnan y partido nan tradicional ta structura no tin espacio pa control real di ministernan atraves di parlamento.

Mi enfoke lo ta incentiva nos economia door di introduci incentivonan laboral y fiscal y door di percura pa Gobierno di Aruba asumi un rol proactivo y yuda comercio pa primordialmente crea cuponan di trabou, entrada nobo di belasting y un spin off general di nos economia.
Tambe mi lo enfoka riba un revision completo di nos sistema legal, p’asina sera tur buraco cu ainda tin y cu ta permiti mal uzo, of uzo iresponsabel di fondo nan publico. Nos mester responsabilisa nos politiconan pa decisionnan mal tuma, mescos cu den sector priva.