Den un monumento cu ta data di aña 1940 caminda cu e tempo ey, Geronimo Nicolaas q.e.p.d. a construi un edificio di beton na B. v.d. Zeppenfeldtstraat 27. Aki el a cuminsa cu Nicolaas Store caminda cu e tabata bende buki, corant, articulo pa scirbi, instrumento pa musica y mas. Desde 2013, Nicolaas Store ta cay bou di Monumentenfonds Aruba y na 2014 esaki a keda renoba mirando e papel importante cu el a hunga den e comunidad di San Nicolas. Na November 2019, Nicolaas Store a bira e fundeshi pa e soño di Nicholas y Kedesha Gordon. Aki ta caminda Kulture Café a nace birando asina e prome coffee shop den su estilo pa e comunidad di San Nicolas.
