Mientras dia 3 di September Aruba a keda sorprendi c’un tempo sera, un grupo di trahadornan di actividadnan aquatico a haya nan ta tuma accion pa salba un turtuga di un morto sigur. Tur esaki a tuma lugar den cuestion di minuut y e accion rapido di Toni di Seabob y Capitan di pelican Adventures, Arthur Thiel cu su crew Gianno Arends y Jacky Montsanto cu e final por tabata uno felis.
“Nos tabata bezig c’un brunch cruise di Antilla pa Malmok, ora cu Toni cu ta traha cu Seabob a aserca nos pa yude paso el a topa c’un turtuga pega den liña di pisca. Di biaha ora nos a yega serca, mi a laga un di mi crew, Gianno, bula na awa pa yuda Toni cu tabatin e turtuga den su man. Nos a pone e trapi parti patras di e boto y asina Gianno y Jacky, tambe di nos crew, a logra corta y los e liña di pisca cu tabata rond di e fin di e turtuga y pone despues bek den awa.
Nos a compronde cu na e area aki hopi hende sa bay pisa cu blas y ora cu nan liña pega, ta djis corta esaki cu e resto di e liña, terminando den lama. Loke a pasa cu e turtuga ta un consecuencia di e liñanan aki cu ta keda tras.
