Dia 12 di juli 2020, tabata e peak pa loke tabata e casonan na Miami cu 15.300 caso registra den 1 dia. Te cu ayera, 23 di Augustus e cantidad aki a baha na 2974 caso nobo registra. E bahada aki a cuminsa tuma lugar consistentemente desde e peak y ta debi na varios cambionan entre e hendenan mes na Miami, cu a cuminsa tuma lugar. Un di e prome cambionan ta mas hende riba caya, pero cu nan mask bisti constantemente.
Un otro cambio ta cu establecimentonan a pasa na hopi bentanan unicamente online. Apple store mes ta uno cu a pasa completamente online unda bo por haci bo compra via nan portal y haya bo producto entrega e dia siguiente na bo adres. Best Buy por ehempel ta sigui cu bentanan online y ta permiti hendenan bin busca esaki na nan tienda. Personanan mester para den un fila pafor na un distancia di otro y ora yega na e entrada, entrega un ticket y e trahador di e lugar ta bay busca e producto cumpra paden pa entrega.
Pa loke ta restaurantnan, nan a pasa nan servicionan pa 100% pafor. Esunan cu tabatin e espacio caba ta probechando di esaki mientras esunnan cu tabatin pafor sea a ahusta, of awor ta sufriendo e efecto di esaki. Sinta pafor a bira e unico opcion.
Te ainda tin un multa pa hendenan cu no tin un mask bisti cu ta cuminsa na 50$ pa prome biaha cu keda gara, 150$ pa di 2 bes y 500$ pa di 3 biaha.
Hasta polis ta equipa cu mask pa duna esnan cu no tin uno bisti. Ta parse cu tur e medidanan aki ta funcionando pa Florida te cu awor, cu e casonan bahando.
