Sensacion riba youtube na Hulanda – Merveline Martina, di idols pa Mrs. Netherlands

Merveline: Mi famia ta basta grandi mes. Pero na Aruba ta apenas mi tata, mi mama y mi ruman. Mi mama ta di Haïti y ta bin di 13 ruman. Mi tata ta bin di Corsow di un famia di 16 ruman. Mi niñez tabata basta tristo pero locual ta soprendemi cu di berdad nunca mi a echt realisa esaki te na grandi. Paso apesar cu mi a pasa den duro y sin luho, semper mi tabata haya ayudo y tabata un mucha cu tabata bira contento cu e cosnan di mas simpel. Djis hunga den tera tabata hacimi felis.

Merveline: Si, semper. For di ora cu mi a nace, un di mama su prome palabranan tabata “esaki ta e reina universo di Aruba”. Mi no por splica echt dicon e ta mi pasion di mas grandi. Mi mama tambe ta gusta beyeza mientras cu mi tata ta un homber masha elegante. Cantamento ta dunami un alegria grandi desde chikito caba.

Merveline: Na aña 2009. (Di berdad desde 2007 mi tabata kier a bay caba pero ta e aña ey mi a haya mi accidente y a hera perde mi bida) Paso semper mi a considera mi mes un hende bunita di paden y pafo, pues Miss Aruba tabata e combinacion perfecto pa expresa esaki.

Merveline: Ik gooi mezelf gewoon in de diepte, anders wordt het nooit wat en ik zie wel”. Cu hopi, pero hopi sacrificio mes. Dus durante e certamen, cero luho tabatin p’ami. Mi ta come menos, nada extra, ora mi wak algo cu mi gusta mi no ta cumpre y asina mi por sigui.

Merveline: Nenga y critica no, gewoon discrimina y masha hopi mes tempo mi tabata chikito.

Merveline: Bunita p’ami ta un hende c’un caracter bunita, bon curason, semper dispuesto pa yuda, claro cu eror pero semper cla pa siña di nan.

Merveline: E parti mas doloroso tabata ora mi tata a haya su derame celebral. Tabata pa puro cuasualidad cu mi tabata cerca dje e dia ei, sino Dios lo sa ki ora nan lo a hay’e. E parti mas bunita p’ami ta e amistadnan ‘for life’ cu mi a traha manera esun cu Louisanne, Tuti, Shahaira, Cherry, Charming, Monique y Julissa.

Merveline: Mi a bin Hulanda pa studia 5 aña pasa. Mi mester a custumbra bastante cu e frieuw. Tuma trein tur ora tabata algo eng p’ami pasobra mi tabatin miedo di perde. Awor m’a custumbra caba.

Merveline: Prome biaha mi mes a participa, paso mi gusta canta y cu speransa cu mi ta logra saca mi album di musica. Pero e di 2 biaha ta nan a yamami y puntrami si mi kier doe mee un biaha mas. Ningun hende no tabata kier a bai cumi, paso nan tabata pensa cu si e prome biaha caba mi no a logra, pakico purba un biaha mas. Anyway, mi a bai mi so pero henter e rato mi tabata comunica cu mi mama y e tabata hacimi hopi fuerte cu su palabranan. Dimes ta obvio cu mi di 2 biaha a bay mihor cu e di prome, aunke mi no a bay door, pero mi sa cu mi por mihor.

Merveline: Mi no tin ningun idea. Locual si mi sa cu mi lista di ‘subscriber’ a subi desde cu mi auditie di mi prome participacion na Idols a sali na television y mi vlogs cu mas tanto views riba mi canal tabata esun “weer niet door bij idols”. Ora mi a ‘share’ e post mi no pensa cu e lo haya tanto atencion.

Merveline: Mi ta papia over di nan cu e hendenan cu stimami, sostenemi y cu ta positivo. Esun mas bunita tabata ora cantidad di hende tabata bisami cu nan ta mirami como nan inspiracion. Esun mas doloroso tabata bou di un video dimi riba youtube “Cheap Thrills” cual tabata mi video di cantamento mas popular. Un muher a pone “Tende Merveline bo gusta canta pero cantamento no gustabo. Pakico bo no ta haci nos tur un fabor y kima tur bo videonan” Tabata mi prome ‘hater’. Awor mi tin hala pero bo ta gewoon siña ‘deal’ cu nan. Na e certamen di beyesa mi a siña cu e comentarionan asina ta bisa mas di e persona pero no di bo.

Merveline: Mi tabata sa di e certamen aki desde cu mi tabata na Aruba caba. Despues cu mi no a gana na Miss Aruba na 2009 mi tabata o.k. cune na inicio pero algun luna despues mi a dicidi pa bolbe purba. Mi a yama na telefon y e persona na e otro linea a bisami cu si, mi por inscribi y cu nan lo yamami. Mi a laga traha un shimis cu Edgar Kock a diseña p’ami cual ainda te awe ta den cashi colga paso nunca mas nan a jamami bek, te c’un dia mi a mira den corant cu nan a djis corona un persona pa representa Aruba afor. Mi a yora lagrima di sanger pasobra mi ta bira mas grandi y lo no haya chens pa por participa mas.

En fin, a tumami hopi aña pa recupera di e dolor aki. Unavez na Hulanda mi a purba inscribi pa Miss. Netherlands y mi a haya mi SI mesora pero lamentabelmente mi a bira hopi malo y a tumami 1 aña pa recupera. Esaki a causa cu mi a pasa e edad permiti pa competi pa cual motibo nan a dunami un NO e di dos vez. Danki Dios cu tin Mrs. Netherlands Universe. Semper mi a considera mi mes un hende bunita tanto di paden como di pafor y esey ta locual mi kier ilustra mundo henter.

Merveline: Si mi gana lo mi ta masha felis. Lo mi duna tur di mes pa haci un bon presentacion pa Hulanda den exterior. Si encaso mi no gana tambe lo mi ta felis y agradecido pa e oportunidad. Zowiezo lo mi inscribi pa Mrs. Netherlands Europe 2018 y aki un par di aña cu Dios su poder, si mi tin bida y salud lo mi competi un biaha mas.

Merveline: Lo mi yuda e organisacion completamente y tambe yuda e damanan cu menos recurso cu tin e deseo di participa den un concurso di beyesa, coachnan y preparanan pa duna un bon papel. Mirando cu mi a haya masha bon comentario riba mi sesionnan di potret a ponemi considera modelahe tambe. Den mundo di entretenimiento canta y sigi canta. Trata saca mi album y duna un tour rond mundo.

Merveline: Un persona exitoso. Cu poder di Dios cu varios album di musica cu mi a saca y dunando tour rond mundo. Casa cu yui como tambe yudando hopi hende rond mundo. Specialmente na Hulanda, Haïti, Merca, Aruba y Corsow. Yuda hende realisa nan soño, specialmente muy enespecial esnan di menos recurso unda financia ta un obstaculo.

Tur mita di luna y fin di luna mi ta evalua mi luna con el a bai. E bon, menos bon, oportunidad, obstaculo, derota, logro y lesnan siña. Mi ta prepara mi mes pa e luna nobo por bay miho y celebra mi “little of big achievements” Desde 2006 mi ta saca un lista mane style di billboard cu mi lista di e miho cancionan di aña. Mi propio cancionnan tambe ta ‘doe mee’, pero no ta pasobra ta mi cancion, nan ta haya preferencia. Mi ta masha streng mes cu mi lista. Na 2013 mi propio cancion a sali nr 1 den mi lista di cancion di aña.

Conoce mi abuelo cu ta biba na Boston. Na 2016 mi a pone como meta pa conoce mi abuelo y abuela( abuela tabata biba na Haïti). Mi a check prijs tur cos pero placa semper tabata un obstaculo pa hopi cos p’ami. Na januari die aña ‘ki, mi abuela a muri sin nunca mi a conoce. Mi no kier mesun cos pasa cu mi abuelo. Mi kier bai Boston conoce y brase.