Anualmente coach y managernan ta evalua hungadornan di teamnan cu no ta di nan mes y asina ta otorga e reconocemento conoci como The Silver Slugger Award na e mihor hungador den diferente posicion. Orguyo Arubiano Xander Bogaerts a haya e honor di gana e reconocemento aki y a ricibi su premio riba veld di Fenway Park na Boston, Massachusetts den e categoria di shortstop y mihor bateador.
Esaki ta di 3 biaha cu Xander ta ricibi e reconocemento aki cual prome el a haya den su posicion cu el a cuminsa di shortstop na 2014.
Comentarionan ta premira cu Xander Bogaerts tin e chance di bira e MVP di Boston Red Sox manera e temporada cuminsa. Xander a cuminsa su carera profesional cu 20 aña y awor cu su 27, tin un serie di logronan grandi den e wega. E ta firma cu Red Sox te cu 2025.
