Usuarionan di e applicacion Chines TikTok a drenta den un panico e siman ‘ki ora cu hopi di esnan cu miyones di siguidornan a lanta cu nan views & likes a cay na zero. Mesora algun di e usuarionan aki y influencers a pidi nan miyones di siguidornan pa siguinan via otro plataformanan social manera por ehempel, Instagram.
Na final a resulta di tabata un glitch di TikTok mes pero e panico aki ta bin sigur debi na e recien informacionnan cu a sali den media di e evaluacion di presidente Trump pa prohibi TikTok na Merca hunto cu otro aplicaccionnan Chines cu ta usa riba telefon.
Secretario di estado, Mike Pompeo a bisa e siman aki na Fox cu e decision pa ‘ban’ e aplicacion aki ta algo cu nan ta evaluando seriamente.E informacion aki na inicio a cuminsa keda ridiculisa riba e plataforma pero awor a haya mas realismo su tras ora cu India a tuma e prome paso pa prohibi e applicacion aki eynan, pais unda hopi di e top stars cu ta riba e plataforma aki, ta biba.
Na Aruba, e celebridadnan Gilhmer y Jayden Croes kende tin miyones di siguidornan riba e plataforma aki, tambe a comunica cu nan fanatico- y siguidornan, pa haci un switch por si acaso, y agrega nan riba nan otro plataformanan social, pa si encaso e prohibicion aki bira un realidad.
