Aunke hopi fanatico tabata sa cu e lo ta na caminda, no tabata sigur ki tempo lo anuncia esaki.
E serie traduci den mas di 6 idioma lo bolbe bek riba Netflix, aunke di parti Netflix mes no a sali ningun confirmacion ainda. Sinembargo, su creador Alex Pina a pone un potret di sumes riba Instagram den un hamaca y a comparti cu e ta den pleno proceso scirbiendo e di 5 temporada di ‘La Casa de Papel, manera e ta titula na Spaño.
E comentario di Pina a causa hopi reaccion inmediato cu fanaticonan expresando nan emocion cu e noticia aki. Ya rumornan tabata circulando cu e serie lo por conta c’un di 5 y 6 temporada sigur.
‘La Casa de Papel’ a debuta na Spaña na 2017 y den su prome 3 episodionan a haya hopi audiencia, pero despues esaki a cay completamente. Su creador y escritor, Santander y Pina a categorisa e serie como un flop y tabata den proceso pa cuminsa cu otro proyecto ora cu Netflix a agrega esaki na su lista di serienan na final di 2017. Di eynan, el a tuma apenas 4 luna pa e serie a bira un hit global unda mesora Netflix a firma un cotnrato cu nan pa mas temporada. Netflix a confirma cu Money Heist a percura pa sigur un 34 miyon subscribernan nobo pa nan. Aki na Aruba tambe,e seria aki ta un hit completo.
