Smac a tene su prome reunion pa dicidi si carnaval 67 lo sigui si of no den 2021.
Tur cos ta mustra cu e intencion ta pa Carnaval bay door pero riba un fecha nobo cu ta mustra di lo ta den Juli pa Augustus.
Lo ta interesante pa sa con e normal nobo di carnaval lo bira mirando cu sigur lo bay tene esaki den un temporada mas cortico. Esaki seguramente lo nifica tambe cu SMAC lo tin cu bay evalua cua evento of paradanan lo ta mas efectivo pa laga esakinan bay door eventualmente. Ta conoci cu normalmente ta un cantidad di eventonan y paradanan sa tuma lugar di grupo y/of organisacionnan cu hopi vez ta cay riba mesun dia cu e eventonan oficial di Carnaval. SMAC lo tin cu bay sinta cu e lidernan di grupo y musiconan pa hunto bin cu e agenda nobo pa loke lo bira Aruba su Carnaval 67. Ta spera un anuncio oficial di SMAC pa otro siman segun su presidente Jason Brown.
