FOR DI ARUBA COVID-19:
Gobierno di Aruba a decreta estado di Shelter in Place cu ta drenta na vigor entrante diadomingo 29 di maart. Esaki ta encera cu hende ta prohibi pa sali di cas, si no ta pa cosnan esencial manera cumpra cuminda, bay botica, of pa haci ehercicio.
Tambe a decreta samenscholings verbod, unda no ta permiti pa 4 hende of mas ta hunto riba caya, solamente si ta famia biba bou mesun dak. Negoshinan cu ta ricibi cliente mester maneha nan clientela manteniendo distancia di 2 meter leu entre cada persona. Si no haci esaki gobierno por sera e negoshi y compania ta haya un multa. Toke de queda ta keda vigente, ningun hende por ta riba caya entre 9 or di anochi y 6 or di mainta, solamente esnan cu ta traha warda y tin un permiso pa esaki. Covid-19 Corona Virus no ta rondia abo, ta abo ora bo move rond por topa cu ne y contrae y despues plam’e. Mas bo keda bo cas, menos riesgo abo, bo yuinan y famia ta core. Si bo ta sinti algun sintoma tosamento seco, un poco problema pa hala rosea, dolor di garganta y bo wordo getest, sigui tur instruccion duna pa keda isola pa 24 ora te ora cu bo haya bo resultado. Si bo sigui move rond cuminda yui, ruman of mayornan bo por pega tur. Abo sa cuanto hende tin eyfo cu por tin sintoma y ainda no a bay test pa sa si nan ta positivo ? Pesey mas keda bo cas, menos riesgo bo tin pa haye y sigui plam’e
[adrotate group=”6″]
