Despues di casi 2 luna y mey di e prome reporte oficial di Coronavirus for di Wuhan-China, segun World Health Organization (WHO), Aruba a anuncia su pome dos casonan di Coronavirusd dia 13 di Maart 2020.
Durante un conferencia di prensa extraordinario, prome minister Evelyn-Wever Croes a confirma e informacion aki na prensa local. E dos casonan aki ta trata di un consultant extranhero cu a bin pa haci trabou na WEB, mientras cu e otro persona ta un Arubiano cu tabata di viahe na New York recientemente. E personan aki mientrastanto lo ta den isolacion y lo no ta presentando sintomanan hopi severo, segun a informa.
Minister di salubridad a bin ta elabora durante varios siman di plannan strategico di contingencia pa cu e virus aki den colaboracion cu hospital, oficina di turismo, Aeropuerto y otro instancia- y organisacionnan mas. Awor ta bay spera cu e plannan aki bira efectivo den controla e brote lo mas posibel, mirando presencia di e virus aki, awor categorisa como un pandemic, cu ta causando consternacion mundialmente.
