E cantidad di organisacionnan rond mundo cu meta di ‘empower’ muhernan ta multiple. Di Filipina pa Uganda, India, Haiti pa Nepal, tur ta organisacionnan cu ta keda ricibi cu man habri pa e comunidad den cual nan ta envolvi y mundo completo, pa e ayudo positivo na crecemento personal cu nan ta representa pa muhernan, grandi y chikito. Na Aruba, desde 1 aña pasa, un organisacion cu e mesun metanan aki a keda crea. Algo cu a haya bida den e forma mas simpel; hende muhernan intercambiando di pensamento ora a realisa cu tabata falta algo…

Quenny: WOW Aruba a cuminsa promer manera un topico di un combersacion entre amistadnan riba un “girls night”. Tabata durante esaki cu nos a realisa cu no tabatin hopi organisacionnan of informacion eyfor pa nos edad riba topiconan cu nos hende muher specialmente “young professionals” ta topa diariamente cune of ta interesa pa sa mas di dje. Despues cu e la keda menciona como un “Idea” e anochi ey, dos dia despues mi a dicidi di traha un “groupchat” y aserca par di amiga mas pa asina forma e grupo. Finalmente hunto, nos a logra forma y lanta WOW Aruba. WOW Aruba cu ta nifica Women EmpOwering Women.

WOW ta promove e lema; Empowering Women. Ki ta e diferente forma cu boso ta haci esaki?
Quenny: Nos lema principal ta “Women empowering Women to Network, Learn & Support”. Nos ta siña topiconan nobo durante tur nos reunionnan, nos ta’ network’ durante hopi di nos eventonan social y alavez durante tur actividad di WOW Aruba. Tambe riba nos social media pages(FB & Instagram) nos ta logra na ‘empower’ y ‘support’ hende muhernan door di nos reunionnan mensual unda nos miembronan por siña cosnan nobo y keda inspira door di e orador di e luna ey y door di otro. Tambe nos ta organisa eventonan social unda cu nos miembronan por ‘network’ cu otro den unscenario mas social y casual y alaves practica otro talentonan.

Kico ta e logronan cu mas orguyoso boso ta di dje te cu awor?
Quenny: E logro nan mas ‘great’ te cu awor ta uno recien unda cu nos a caba di celebra nos prome aniversario den un forma hopi uni y’ fun’! Unda hunto cu tur e miembronan a logra comparti momentonan educativo y alegre y alavez nos a haya chens pa mira bek unda tur cos a cuminsa y cu mirada di anticipio pa unda nos tur kier yega como organisacion. Un otro logro cu sigur ta haci nos como board hopi orguyoso ta cu den e un aña aki nos a cumpli cu hopi di e metanan cu nos a pone nos dilanti. Na comienso nos a laga tur miembro yena un “survey” unda nan por a scohe topiconan cu nan ta interesa pa siña poco mas di dje por ehempel women in leadership, public speaking, work motivation, stress & anxiety, relationships, mindful eating y mucho mas. Mi por bisa cu nos ta orguyoso cu a logra den un aña di tempo pa haci esakinan realidad, pa por a presenta via expertonan asina yama “speakers” tur e topiconan cu nos miembronan mes a scohe y pidi p’e. Mi ta kere un logro cu nos a encontra cune tambe como board ta cu apesar nos como board ta ‘close friends’, nos asiña conoce otro tambe como colega y a siña hopi di cualidadnan di otro den un forma diferente y profesional.

Con ta escohe of motiva hendenan pa participa na boso varios evento/workshops etc?
Quenny: Nos a palabra na cuminsamento cu nos non-profit organization lo consisti di 20 pa 25 hende muher entre 25 y 45aña di edad. Pero prome cu nos sa nos a yega 35 miembro. Como cu nos a sigui haya hende muhernan interesa pa forma parti di nos organisacion of nos encuentronan, nos dicidi di tin par di spots obtenibel pa non-members ora cu tin lugar y e posibilidad pa cu esaki. Tambe nos ta scohe pa comparti diferente actividadnan rond Aruba riba nos pagina di facebook p’asina informa hende muher nan riba topiconan, eventonan educativo y interesante. Tambe nos ta comparti diferente storianan, quotes y links cu ta yuda empower hende muher di un manera of otro via e paginanan aki.

Con e organisacion ta hinca den otro pa locual ta posicionnan y rol manera director of voorzitter, tesorero etc?
Quenny: Nos organisacion ta consisti di un board di 6 miembro unda nos tin president, tesorero, secretaria, head of charity, head of presentations y head of social events. E board ta topa como 2 pa 3 biaha pa luna p’asina palabra y organisa nos siguiente members meeting, actividad, plannan nan y alavez “follow up” riba cada un board member su tarea y plan.

Kico ta e actividadnan regular y esunnan special cu boso ta haci durante aña?
Quenny: Tur luna nos ta invita un orador pa comparti su conocemento, experiencia y consehonan cu nos miembronan. Tur luna ta un otro topico. Na e encuentronan aki nos miembronan ta haya e oportunidad pa conoce y papia di serca cu e orador y alaves por ‘network’ y siña algo nobo. Cada 3 luna nos ta organisa un evento social unda apesar cu nos ta siña algo nobo, por ehempel yoga, self-defense, make up class etc, nos ta haci un evento agradabel di dje unda nos por disfruta di e compania di otro un poco mas. Tambe cada 4 luna nos ta organisa un actividad unda nos ta aporta y yuda sea ta mucha, hende muher, hobennan of nos grandinan pa di e manera aki cumpli cu nos ‘charityevents’ y aporta na nos comunidad.

Na Aruba tin cambionan den posicionnan di hende muher unda cu nos tin actualmente un Minister Presidente muher, un presidente di AHATA tambe pa prome biaha un hende muher mientras cu ainda den hopi otro ramo, e posicion di hende muhernan na Aruba ta cuestiona. Unda ta e cambionan mas grandi of urgente cu boso lo kier mira tuma lugar?
Quenny: Ideal lo ta pa tin mas hende muher den posicionnan halto tur caminda, den mas compania y organisacionnan. E symposium di “good governance” a constata cu si tin muher den e organisacion, e chens ta mas grandi pa e ta un organisacion exitoso, como cu nan a splica cu hende muher tine mix di ta emocional y alavez ‘straight to thepoint’. Na final e ta yuda haci e organisacion of compania mas exitoso. Bisando esaki mi ta kere lo ta great pa wak mas hende muher na cabes di organisacionnan y companianan unda nos ta custumbra di wak solamente hende homber por ehempel den e mundo digital, di evento, husticia, finanzas y mucho mas. Nos ta kere den e dicho “ The Future is female”.

Con e interes ta di parti di hende muhernan den nos comunidad pa loke boso ta haci y ki tipo di muhernan ta esunnan cu a mustra mas interes den loke boso ta haci?
Quenny:E interes ta grandi. Hopi biaha hende muhernan ta druk of ta bezig ta multi task cu trabou, yiu, pareha y ta lubida riba nan mes. Ta lubida cu ora nan ta sinti bon,contento y ‘empowered’ ta e ora unda e mihor version di nan ta sali. Hopi hende muher ta pasa y deal cu e mesun cosnan. Pakico e ora nos mester deal cune nos so? Of den silencio? Caminda nos por empower otro y hunto crece y bay dilanti. Loke ta di remarca ta cu ultimamente ta sinti cu e gana entre hende muher nan t’ey y cu hende muhernan, mas y mas, ta apoya otro y pusha otro pa bay dilanti, pa nan aporte, sosten of curashi. Nos ta spera cu esaki sigui crece.

Because empowered women can only be created by empowering other women to realize their full potential

Nomber: Queen-Anne Bergen Edad: 30
Estudio: Ley Funcion: Events & Marketing Manager Posicion den WOW: President

Con un hende cu ta desea di bira miembro por haci?
Quenny: Un hende muher cu ta entre e edad di 25 y 45 aña por manda nos un email na info@wowaruba.org of por manda nos un mensahe via nos facebook inbox cu su informacion y preguntanan p’asina nos por contesta y elabora un poco mas riba e meta y reglanan di WOW Aruba.

Nomber: Zilha Wever Bruin Edad: 29
Estudio: Tourism Funcion: Logistics Marketing Posicion den WOW: Head of Social Events

Kico ta e plannan long term pa e organisacion?
Quenny: ‘Long term’ ta pa sigui crece y sigui tin e mesun cualidadnan como organisacion y den nos board, planning, evento y presentacionnan. Y c’un dia nos por ta internacional y tin un segundo WOW Aruba pa e hende muhernan di 45 aña di edad bay ariba.

Nomber: Rocio Burgos Edad: 31
Estudio: Tourism Funcion: Business Owner Posicion den WOW: Secretary

Bo mes ta un persona hopi activo socialmente, kico ta bo drive pa esaki entre bo tempo?
Quenny: Mi ‘drive’ mi ta kere ta p’ami por haci y yuda mas cu mi por, p’ami yuda mi sernan stima, e hobennan y sigur hende muhernan pa ta ‘the best they can be’. E adrenalina cu ta bin cu esaki ta mi motivacion, e sentimiento di wak otronan bay dilanti y persigui nan soño y metanan y asina hunto bay dilanti. Specialmente pa yuda voice out e “young professionals” nan pensamento.

Nomber: Melina Rangel Edad: 26
Estudio: Tax Law Funcion: Tax Con- sultant Posicion den WOW: Tesorero

Ta bisa cu e mentalidad di empower hende muher mester cuminsa desde chikito caba. Boso ta di acuerdo cu esaki y con por motiva mayornan pa inculca esaki den nos muchanan?
Quenny: Sigur cu si. Educacion den tur forma ta cuminsa na cas. Si for di jong ta lanta cu norma y balor ta lanta cu nos como hende muher por ‘make things happen’, por hasi ‘small and big changes’, por influencia y ‘empower’ otronan y alavez keda ‘empower’door di otro lo solamente yuda crea mas hende muhernan fuerte y ehemplar pa nos comunidad. No mester warda te ora un hende muher pasa den algo dificil pa siñanan esaki. Ban yuda siñanan di chikito e importancia di para pa bo mes, para pa otro y ta contento ora un otro hende muher haci algo remarkabel of bon. Ban siñanan celebra, aporta y keda inspira door di cosnan asina.

Nomber: Marylin FelicianaEdad: 30
Estudio: MarketingFuncion: Marketing & Branding SpecialistPosicion den WOW: Head of Presentations

Un conseho pa muhernan eyfor…
Quenny: Den nomber di nos organisacion WOW Aruba, nos conseho lo ta pa tuma tempo cada dia pa recorda bo mes ken bo ta, unda bo ta y unda bo kier bay. No tene miedo di ‘speak up’ of busca ayudo ora mester of sosten ora mester paso ta cosnan cu nos cada un ta pasa aden bon of malo, grandi of chikito nos como hende muher mester apoya otro y asina hunto bay dilanti.

Nomber: Laura Peñate Edad: 27
Estudio: Marketing Funcion: Marketing & Sales Posicion den WOW: Head of Charity & Vice President