DOS NOTICIA INESPERA

Un di e deseonan di mas grandi di Patrick tabata c’un dia e por bira tata, cual tabata un deseo di semper mirando cu e no a lanta c’un tata presente den su mesun bida.
Dia 21 augustus 2015, Patrick a haya e noticia di mas bunita cu e lo bira tata pa prome biaha. E tabata super contento y tambe hopi pendiente di tur e proceso di e embaraso. E tabata haci casi tur cos mirando cu e tabata kier pa cuida henter e embraso. Durante e prome 3 lunanan, Patrick tabata bay tur afspraak cu tin cu partera y specialista cu su casa Robeshca e no tabata kier a perde ni un momento di e proceso di con su yiu ta cresiendo. E tabata full namora di sa cu e lo bira tata porfin.

Despues di tabata sintiendo malo pa algun dia caba, den november di 2015 Patrick a dicidi di bay eerste hulp pasobra e no tabata por a wanta mas. Mesora el a keda interna na hospital y riba su pregunta e motibo pa esaki el a keda informa cu tabata wak un virus straño den su sistema y cu nan kier haci mas test y lo lage sa e resultadonan manera esakinan ta cla. E siguiente dia docter ta informa Patrick cu e no tin un bon noticia. Patrick a keda diagnostica cu Leukemia. Acute Lymfatische Leukemie (ALL), esaki ta cancer den sanger.

PATRICK SU FORZA Y SU RASON PA LUCHA

Cu urgencia Patrick mester a viaha pa Hulanda hunto cu su mama mirando cu e cancer tabata atacando su sistema hopi liher mientras cu tabata apenas e di 3 luna di e embaraso di su pareha cu su yiu tan anhela. Patrick su mundo a cay den otro. Cu e noticia asina duro pa scucha y pa accepta, el a pensa riba su bida, su famia, su yiu na caminda. Den e mesun momento el a pone su yiu na caminda como su forza y rason di mas grandi den e mundo aki, pa bay lucha contra e cancer.

DIA DI PARTO

Dia 5 di Mei 2016, Patrick a ricibi un yamada den oranan di madruga aya na Hulanda cu e momento tan spera a yega. Net un poco mas trempan Patrick a haya su chemo y su curpa tabata kibra, pero a forsa pa keda lanta p’asina e por a experencia, e momento p’e, asina importante den su bida tabata mas grandi. El a logra wak y biba e proceso casi completo di nacemento di su yiu danki na e technologia di awendia via Skype. Pa Patrick, esaki tabata e regalo di mas bunita cu e por a ricibi den su bida. E por a wak e nacemento di su yiu muher Miyah, su forza pa lucha contra e cancer y su rason pa biba.

Despues di 8 siman Mama y yiu a biaha pa Hulanda p’asina Patrick porfin por a conoce su yiu muher personalmente. Patrick a warda e yegada di su esposa huntu cu nan yiu Miyah c’un rosa pa yamanan bon bini. Porfin Patrick por a wak su esposa despues di 6 luna di ta leu di otro y awor por a wak su yiu personalmente pa prome biaha. Un momento hopi sentimental pa tur dos hunto cu nan yiu. Despues cu e famia tabata completo na Hulanda, e momento tan spera a yega. Patrick mester a haci loke ta yama transplante di Stamcell ( Un procedura unda e pashent ta haya stemcell saludabel- sea di su mes of di un donante- pa reemplaza esunnan daña. Prome cu esaki e pashent ta haya chemo of radio terapia pa prepara e curpa pa e transplante.

Ora cu e stemcell keda implanta, esaki ta pasa via e sistema sanguineo te na e beenmerg ( bone marrow) y ta cuminsa forma cellnan y plaketanan nobo y saludabel, incluyendo blanco y cora.) Esaki a bay bon pero a presenta algun complicacion algun luna despues. Patrick mester a bolbe Aruba bek pa sigui cu e control pero momento cu el a yega Aruba, den 6 dia apenas, a haya Infkuenza A. Esaki a afecta su pulmon. E tabata hopi grave. Dokternan na Aruba a purba atende pero na final a scohe pa mande Colombia p’asina e por haya mihor ayudo cu nan mihor aparatonan pa su situacion, mirando cu si e keda manera e ta, e no lo sobrevivi. Patrick tabata den ICU e momento ey, den un ‘induced coma’. Esey a pone cu mester a biaha cu Air Ambulance pa Colombia. Na yegada na Colombia dokter a splica con grave loke e tin ta. Door di e stamceltransplantie e mester a bebe hopi pilder y un di nan ta un pilder special cu tabata mantene su immune system abou. Door di esey, e virus Influenza por a ataca hopi fuerte sin cu Patrick su curpa por a bringa e virus ey. Dokter na Colombia a bisa cu su situacion tabata hopi grave pero lo haci tur cos pa salbe.

Despues di 1 siman Patrick a sali for di coma pero a keda hopi dia riba cama. Su curpa a keda zwak. E mester a siña tur cos ful di nobo, manera hisa su brasanan, sinta, para riba su pianan, tin balans, pues por bisa tur cos incluyendo con pa guli. Patrick mester a siña hala rosea riba su mes bek tambe. Tabata momentonan super dificil y mas ainda ora cu bo ta leu di henter bo resto di famia. Incluyendo e persona cu mas e kier tabata serca di dje cu ta su yiu chikito.

Despues di casi 1 luna den ICU/MCU Patrick por a bay den piso p’asina recupera poco poco bek. Tabatin momentonan cu Patrick tabata asina depresivo cu psycoloog mester asisti’e. E tabatin hopi falta di su yiu. E tabata keda den un camber isola den cual no ta hopi persona por a drenta. Mucha no tabata permiti dus esey a haci imposibel pa Patrick por a wak su yiu. E unico manera con e lo por a wak su yiu tabata saliendo for di hospital.

PORFIN NOS POR A REUNI BEK CU NOS YIU. NOS YIU TABATA E FORSA PA NOS TUR DOS UN BIAHA MAS

Cu e mesun dolor ey di no por ta cu su yui, el a lucha tur dia pa a mehora su mes pa e haya ok pa bay Aruba bek. Y porfin despues di un total di 2 luna y 3 siman cu Patrick a keda den hospital interna, el a haya e ok pa por bay Aruba unda cu e lo por a sigui cu su recuperacion cu terapie na Aruba mes.

Nos por bisa awe DANKI na nos bon Dios cu Patrick a sali di tur cos, tur cos a bay exitosamente cu awe nos por bisa cu Patrick no tin cancer mas den su sistema. Un bataya cu e mester a lucha pa mas o menos 3 aña largo.

Esaki ta un storia hopi largo. Hopi fuerte. Hopi dolor. Pero bandi tur esey e amor pa su yiu ta loke a duna Patrick e forsa pa lucha pa bida. Su yiu ta un milager di Dios, Su yiu a bini na e tempo perfecto.

Den tur e proceso aki Patrick a siña cu e bida aki ta uno di celebra tur dia. Y di ta agradecido pa tur cos cu bo por tin.

Robeshca 
Nos yiu ta ni ca hopi pa ambos. Nos yiu a duna nos e forza den momentonan mas di cil den nos bida. Pa Patrick esey tabata 
e motibo principal pa lucha. Ami como su casa mi ta orguyoso di Patrick pa hopi cos y pa tur loke el a pasa aden con el a 
bringa y lucha y nunca ‘give up’. Patrick den mi opinion ta un luchador, e ta un tremendo tata pa nos yiu, 
un tremendo casa. Nos yiu muher ta stima su tata un mundo. Patrick ta un amazing dad.