KEN E TA

Chantal (44) su infancia y hubentud tabata hopi leuk segun e ta corda. E tabatin su amiganan y su deporte di Synchronized Swimming cu team Barracudas, casi tur weekend nan tabata haci sleepover, bay beach, campa, el a bai cu vakantie cu un amiga y su mayornan, nan a bay Europa, cu otro amiga el a bay Disney, echt un hubentud dushi, nada di keha. “Mi mayornan tabata hopi open y mi por a papia cu nan di kico cu ta, mi a lanta hopi open, nan tabatin hopi confiansa den mi y tempo mi a cuminsa sali bay trip, nan semper a bisami: no desapuntami, y no gaña paso mi lo haya sa y…..ja bo sa kico lo pasa”! Solamente tempo cu Chantal tabata teenager, specificamente den examen klas, e tabata un tempo cu basta stress y e tabata bira un tiki rebelde contra di su mayornan y esey tabata causa un tiki friccion entre nan. Pa motibo cu a detecta cu e tabatin dyscalculia, locual kiermeen cu e no por haci rekenen, e no a logra bay studia den exterior cual ta algo cu e ta echt lamenta masha hopi mes. Como cu e no tabata algo cu el a descubri of haya sa di dje na tempo, el a pasa un periodo hopi dificil na basis school, paso e tabata wordo bullied door di otro muchanan pa e motibo aki. “Despues di MAVO mi kier a haci modevakschool, pero e dyscalculia a ponemi cambia di estudio, mi a dicidi di cuminsa bula cu Air Aruba”.

SU YIU, SU TESORO

Pa basta aña Chantal a purba sali na estado. Despues di a bay vakantie cu un grupo di The Wine Club of Aruba, el a logra sali na estado. “Mi ta corda cu hunto cu mi casa,nos tabata super excited y despues e realidad
ta zink in: tin un baby na caminda”. E embaraso a bay hopi bon apesar di un tiki mareo na cuminsamento, el a disfruta masha hopi mes di su bariga. Despues di haya yiu, manera hopi mayor ta experencia, nan a yega cas
y realisa cu nan ta tres awor y mester a siña haci tur cos. Prome cu el a realisa su yiu Andrew a crece y awe e ta un mucha homber di 16 aña cu chistosamente e ta bisa: ora e tin hamber so mi ta wak’e. “Na momento
cu bo yega cu e baby cas di biaha e enfoke den bo bida ta cambia, tur cos pa bo yiu, den bon y malo”. Tin asina hopi cos cu e mes a siña di su mayornan cu e ta desea di pasa pa su yiunan pero sigur un di esnan mas importante ta respect pa bo mes, pa otro y pa naturalesa.

STAY AT HOME MOM

E decision di keda cas y wak pa su yiu tabata en realidad un peticion di su casa, kende a bise cu financieramente nan por afford pa e keda cas y e lo desea pa e mes wak pa su yiu y no mester paga un otro hende pa haci esey pa nan, e ta un luho. “Apesar di esaki, mi ta haya fastioso cu mi no tin mi mesun entrada y mi lo kier bay traha back, tampoco mi no ta gusta cu tur presion financiero ta cai riba mi casa”. E trabou di un stay at home mom ta uno cu hopi biaha ta wordo “played down”, vooral pa otro mamanan mes, cu si ta traha sea ta pa escohencia of necesidad. Chantal ta pensa cu esaki no mester ta e caso. E mes por ehempel ta bezig henter dia, cuminsando mainta tempran preparando su cas pa desayuno, lunch, zorg pa su cas ta na ordo, limpieza y organisacion, compra y huiswerk di su yiu.

“Mi ta tuma tempo pa mi mes tambe naturalmente, mi ta gusta haci fitness y den weekend ami cu mi casa tin date night tur diasabra pa nos disfruta di un boter di biña y di nos mes”. P’e ta importante pa e duna su yiu e mensahenan importante den bida y dune bon ehempel sumes. “Mi ta bise tur ora, nada no ta pornada den e mundo aki, bo mester lucha y traha p’e, wak cu ken bo ta cana, tin hende kier yudabo y otronan kier wak bo faya, abo mes mester escohe bo destino den bida”.

Tambe e ta siña hopi di su yiu, vooral pa e relax. Como ‘stay at home mom’, Chantal ta pensa cu ‘home schooling’ por ta algo hopi beneficioso tambe den futuro na Aruba, por ehempel pa muchanan cu ta siña hopi liher, of pa esnan cu scol no ta brinda suficiente challenge of pa muchanan cu ta wordo bullied of tin problema na scol.

Mensahe 
Bo ta mama pa full bo bida, purba semper duna e miho ehempel. Si bo ta un stay at home mom, bo ta give up e experiencia di 
traha, pero di otro banda no tin nada mas bunita pa wak bo yiu tuma su prome stapnan of bisa su prome palabra y abo como 
mama tabata eynan presente y bo a experencie den real time.