Beyesa a bira sinonimo di Manrique Capriles, e cas cu continuamente ta reinventa su mes, ampliando su liñanan di producto di beyesa pa cumpli cu e demanda continuo di un comunidad cu ta exigi e miho pa su mes. Frecuentemente Manrique Capriles na formanan diferente y innovativo ta trece novedadnan pa su clientela.

Un di e productonan di e cas aki ta Kérastase. Ta ken no conoce Kérastase. E ta un liña Frances, mundialmente reconoci como un di e miho productonan pa cu salud y cuido di cabey.

Descubri Kérastase ‘Blonde Absolu’, e prome sistema di cuido pa cabey blond. ‘Blond Absolu’ tin un sistema ultra violeta, cu propiedadnan di alto cuido y neutralisante. E ta hidrata cabey delicado y sensitivo, protehando e cabey di oxidacion y na mes momento dunand’e briyo.
E coleccion nobo aki tin como obhetivo pa preserva e color di tur tono di blond cu ta existi, sea ta natural of mediante tiña, highlights, bleach etc.

‘Blond Absolu’ ta provee un proceso ideal di blondeo. E producto aki ta perfecciona y mantene e tononan atrabes di neutralisantenan ultra violeta, ta hidrata y fortifica e fibra cabeyudo.

Pues awor, ademas di tin e salud di bo cabey como su prioridad, cambia color di cabey pa blond no tin limiticacion mas cu ‘Blond Absolu’. Pues cual sea bo blond, si bo tribi, Kérastase t’ey pa sirbi.

Durante un seminario organisa pa Manrique Capriles, tabatin 70 pelukero/estilista loca cu a participa. Aruba a conta tambe cu presencia di dos grandi den e mundo di beyesa cu ta Kristopher Fonseca y Natalia Nieves.
Na e ocasion aki, e cas di alta renombre na Aruba y Antiyas, a introduci su dos “media influencers” den persona di nada mas y nada menos cu Maite Delgado y Anouk Eman.

Manrique Capriles ta sumamente satisfecho cu otro evento exitoso.
E pelukero y estilistanan di Aruba ta cla y den optimo forma pa ofrece bo Kérastase su “Blonde Absolu”. Djis tribi y Kérastase t’ey pa sirbi.