Como mama mi tambe a expe-riencia e mesun cosnan cu tur hende muher ta pasa aden despues di duna luz. Mi a focus completamente riba mi baby, manera tur ‘bon mama’ ta suppose di hasi. Tur e sacrificio y cansancio cu a bin cune, tabata 100% ‘worth it’. E mirada di alegria y entusiasmo di mi yiu homber tabata ‘priceless’. Durante e tempo aki mi a haci mi best tambe, pa no neglisha mi casa, at least no completamente. Nos tabata comparti y combina e rolnan di mama, tata y pareha lo mihor posibel. Mi trabou part-time como abogada y despues como entrepeneur tabata horta e tiki resto di tempo cu mi tabata tin pa mi mes. Pues, ora nos papia di ‘full-time Mom’, that’s exactly what we mean. Si algo no tabata compatible cu mi rol di mama, esaki a wordo hala un banda of posponi te dia cu por. Despues di algun aña mi yiu muher a nace. Mi a bolbe bai back na 0. Zorg pa baby, zorg pa mi otro yiu di 3 aña, zorg pa casa no wordo neglisha, handle mi ‘home based business’, haci trabou di hurista ‘on the side’ pa yuda trece placa den cas. Na cierto momento, mi curpa casi no tabata duna mas. Mi tabata fysicamente y mentalmente cansa. Mi a laga mi mes bai completamente. Asina mes, mi a sigui pusha e limitenan pa algun aña mas. Mi no tabata kier pa hende yamami mal mama of mira mi como un hende floho. Te cu un cierto momento, mi a haña un ‘reality check’ cu a cambia mi manera di wak bida por completo. Un serie di ‘panic attacks’ na November y December 2016 a pone cu mi a bai para te na eerste hulp y despues na mi dokter di cas, kende tabata visiblemente preocupa, ja cu den casi 20 aña, nunca el a wak mi asina. Mi no por a guli bon, no por a hala rosea bon, mi tabata ‘bloated’ (door di hyperventilatie) no por a come mas cu dos cuchara di cuminda mainta, merdia y anochi. No por a bebe drechi, ni awa. Mi metabolismo a slow down, en corto: Mi curpa tabata mustra di kier shut down. Mi no kier a lanta for di cama mes, y mi tabata den estado di panico constante. E diagnostico tabata ‘anxiety’ y mi a wordo poni riba pildora. Mi casa a take over tur responsabilidad di cas y mi yiunan no kier a lagami mi so. Despues di algun siman, mi yiu muher finalmente a puntra mi: ‘Mami, bo ta bai muri?’ E pregunta ey a ponemi reflecciona y alavez a activa mi forza interno y e desicion pa yuda mi mes. Mi a priminti mi yiunan y mi casa cu semper nan por conta riba mi. Pero con awor, si mi no tey? Mi a forza mi mes pa lanta, pa come y bebe y finalmente mi a tuma e desicion di bishita un psycholoog. Pasobra e sintomanan tabata bin back cada vez cu mi tabata purba stop cu e pildora y ami no kier a sigui henter mi bida dependiendo di esey. E resultado tabata excelente, ja cu mi a yega na un nivel di paz interno cu a compensa e necesidad pa pildora.

Un conseho hopi importante mi tin, como bo ‘self-love’ coach: Mami, no laga cos yega asina leu. Claro cu bo ta haci bo best pa ta un bon mama y pareha. Pero, zorg pa bo tin balans den bo bida. Si ta algo cu por warda, pone un banda. Ta ok pa bisa no, ta ok pa zeg af ora bo ta cansa, ta ok pa bo tin un dia cu bo no tin gana di haci nada. Pone ‘boundaries’ pa esnan cu ta pone preshon riba bo. No tene berguensa di pidi ayudo si bo tin mester. Stop di worry demasiado cu e opinion di otronan. Haci cosnan pa cuida bo mes, tanto fisicamente como mentalmente. Meditacion, yoga, gym, zumba, cana, core, landa, whatever works for you.
Zorg pa bo come bon, no lubida bo amiganan esaki ta esencial, ya cu nan ta bo ‘support group’ personal. No ta pasobra bo ta un mama, bo no mag di dedica tempo na bo mes. Sali bebe koffie of un wijntje, bai tuma un massage, bai un beautysalon, drecha bo huñanan. Bo yiunan y bo pareha tambe lo beneficia di un persona saludable, estable y relaha. Take care di bo mes. You can’t pour from an empty cup.