Mi nomber ta Desiree Angeline Swaen. Mi tin 44 aña, mi ta 13 aña felismente casa cu David Passchier, y mi ta mama di 2 yiu: Dylan y Miley. Despues di a caba mi estudio di derecho na Universidad di Aruba na aña 1997 mi a huramenta como abogado. Mi a traha 10 aña bou guia di mi tata, Arie Swaen, y despues mi a dicidi di retira. Durante mi trajectoria como abogado, mi a yuda varios cliente cu a bin pa divorcio y hopi biaha mi tabata haña e impresion cu divorcio no tabata nan prome choice e unico manera cu mi por a yuda, tabata door di scucha nan y duna nan tempo pa pensa. Mi conseho pa bishita un psychologo pa couples therapy e tempo ey no tabata cai den bon tera, ja cu mayoria hende no tabata compronde cu therapia psychologico no tin nada di haber cu locura hopi cliente simplemente no tabata mira otro opcion, cu finaliza nan relacion. Ami no por a haci mas cu cumpli cu mi obligacion, apesar di lamente esey.

Coaching por duna su frutonan relativamente rapido

Despues di tuma retiro como abogado, mi a bira un ‘stay at home mom’ pa e siguiente 10 añanan durante e tempo aki mi a funciona como entrepeneur, estableciendo y manehando dos ‘home based businesses’, cual tawata Beads & Pieces/Diva Designs, na unda mi tabata diseña y bende bijouterie y The Body Bar, na unda mi tawata bende productonan di e marca di ‘bath and body’ cu mi mes a crea, cual ta Bodybar Cosmetics pero a pesar di tur e satisfaccion personal y experiencia adicional cu e negoshinan aki a dunami, semper mi a sinti un bashi, un anhelo pa algo mas. Durante casi 20 aña, inconscientemente mi tabata preparando mi mes pa mi mision. Na aña 2016 porfin esaki a bira un realidad, coaching tabata e opcion cu mi tabata falta, pa por practica locual semper tabata mi #1 passion. Mi a logra e titulo di “Relatiecoach” despues di sigui un online opleiding (hbo niveau) na CIVAS, un instituto Hulandes, specializa den entre otro coaching y counseling. Despues di esaki mi a opta pa training adicional na World Coach Institute, U.S.A., na unda mi a obtene e titulo di “Certi- fied Professional Coach” cu specializacion den Relationship, Bereavement y Spiritual Coaching.
Pa esnan cu no conose e methodo di coaching, esaki ta un sistema cu a origina den mundo di deporte y cu antes tabata un metodo hopi desorganisa sin embargo, durante e ultimo 15 aña, coaching a expande den multiple areanan, por menciona entre otro life coaching, wellness coaching, business coaching, career coaching, executive coaching etc. y a transforma den un profesion serio cu resultadonan comproba. Mi titulo di coach, no ta cualifica mi pa duna ningun tipo di conseho of diagnostico. Mi trabou ta consisti di stimula mi clientenan pa nan mes bin cu solucionnan practico y/of ideanan nobo pa mehora e situacion actual den nan bida y relacion. Esaki mi ta hasi door di preguntanan y otro methodonan cu ta stimula e cliente su imaginacion y creatividad y activa e ‘problem solving capacity’ cu nos tur como ser humano tin. Den e concepto di coaching, e cliente ta e experto.

E tipo di coaching cu ami ta practica ta ‘Transformational Coaching’ y esaki ta ensera ‘challenge’ e cliente no solamente pa cambia su manera di actua, pero pa mehora su mes como ser humano en general. Mi ta enfoca riba relacionnan amoroso, di principio te fin, incluyendo entre otro: Bo relacion cu bo mes (self love/self care/ self esteem), dating, preparacion pa biba hunto, casa of bira mayor, mehoracion di comunicacion y comprension den relacionnan monoga of open relationships, mehoracion di intimidad den pareha, recuperacion despues di infidelidad, guia durante malesa y recuperacion despues di morto di e pareha, guia durante y despues di separacion of divorcio, como tambe cambio den relacion door di un ‘spiritual awakening’. E ultimo aki ta algo cu mi a siña no solamente a base di estudio pero tambe a base di experiencia personal.
Ta importante pa menciona, cu tur hende cu ta desea coaching sin ningun tipo di distincion ta welcome, pero niun hende por wordo obliga pa participa na coaching pues si tin un pareha di cual un di nan ta prefera di no participa den couples coaching, mi ta dispuesto pa coach esun cu si ta interesa. Coaching por duna su frutonan relativamente rapido, pa esnan cu ta dispuesto pa traha pa logra nan meta, y cu ta suficientemente habri pa cambio. E ‘problem solving capacity’ cu ta wordo stimula mediante coaching di relacion, ta un capacidad cu sigur lo por ta aplicabel tambe den otro areanan di bida.

Haña sa kiko DS Relationship Coaching por hasi pabo, door di bishita e website: www.ds-lovecoach.com y/of search y like mi Facebook page: DS Love Coach.