UN “VERY TIGHT TEAM”

Embarazo ta un periodo hopi “demanding” pa e mama y como tata, bo mester ta e ‘support mechanism’ principal di esaki, “after all” boso dos lo ta e ‘caregiver’ principal di e mucha(nan). “Durante tur dos embarazo di mi casa Jimena, mi a haci mi best pa ta presente na tur afspraak di partera/doctor y a volg e cursonan di Pre-natal Yoga cun’e”. Brian ta conta cu el a participa den tur preparacion pa yegada di su yiunan. “Nos semper tabata un very ‘tight team’ y esaki mi ta kere a haci e transishon pa ‘parenting’ uno mas facil”. Brian ta bisa cu ora e tabata mas hoben, nunca el a pensa mucho riba ki sorto di tata e lo bira den futuro. “Mi ta corda cu te na e momento di nacemento di Matias, ainda mi tabata spanta, pasobra mi no sa si lo mi por ta un bon tata”. Esaki no ta paso e no ta capaz of prepara, pero mas bien e magnitud di e sapatonan cu e tin pa yena y purba su best pa cuida su yiunan lo mihor posibel ta locual tabata mas intimidante p’e. “Unabez cu mi a wak e prome examen di ultrasound, despues p’ami experiencia e proceso di nacemento y a wanta nos yiu den mi man pa e prome biaha, mi tabata sa cu ningun esfuerzolo no ta grandi dimas pa mi casa y yiunan, es decir cu nan ta na prome lugar y central den mi bida”. Brian ta sostene su famia den tur cos cu nan ta haci, e ta haci su prioridad pa ta presente na tur training di futbol, school presentations y e ta e fan di mas grandi cu nan tin. “Tambe mi ta purba pa siñanan for di chikito pa ta responsabel, corecto y cu compasion.

TATA: UN BON EHEMPEL Y UN INFLUENCIA POSITIVO

Brian tin diferente Rolemodel na diferente nivel, pero su rolemodel mas grandi cu e por menciona ta su tata Harold Marchena. “El a siñami un work ethic hopi firme, pa duna sin spera nada bek y para den mi sapato como homber”. Esakinan, e no siñe door di papia, sino mas bien door di su accionnan cu semper Brian a wak den dje. Hunto cu su dos rumannan, e tabatin e suerte di crece den un cas unda cu nan mayornan semper a sostenenan pero tambe pushanan duro y tene expectativanan hopi halto di nan, den kico cu nan a haci (deporte, estudio y awor como tatanan di famia). “Ora nos tabata haci malo, tambe tabatin consecuencia, pero semper e tabata sigui cu pordon”, e ta conta. Semper nan a traha hunto pa hiba e famia dilanti. “Nos a wak sacrificionan wordo haci , cu awor cu ami mes ta tata, finalmente mi por compronde e magnitud di esakinan. Un tata mester ta un influencia positivo den tur aspecto di e palabra. “Nos mester siña nos yiunan con pa traha duro y honesto pa tur locual bo ta desea, para firme y semper cumpli cu bo palabra y con pa trata nos pareha of casa cu respet (hasta si bo no ta hunto mas)”. Un tata ta e voorbeeld cu su yiu homber lo sigui ora nan bira pareha of tata, y tambe e ehempel di partner cu su yiu muher lo busca ora e yega asina leu den bida.

NOS YIUNAN NO MESTER SACRIFICA NADA PA NOS COMO MAYOR TIN E BIDA CU NOS KIER. NOS MESTER SACRIFICA PA NAN TIN E BIDA CU NAN MERECE

SACRIFICA Y DUNA BO YIUNAN LOCUAL NAN MERECE

“Tanto Jimena y ami a siña nos yiunan pa semper bisa berdad y te cu awor esaki ta nos mihor arma pa cuidanan for di peligronan cu tin pafor”. Matias y Sofia sa precies kico ta bon y malo, y ora algo pasa nan ta splicanan na un manera simpel dicon y kico ta malo. E muchanan sa cu tur cos por wordo conta na mami y papi y nan no ta purba spantanan di mundo. “P’aworaki, nan ta hopi chikito y nos ta laganan enjoy e parti aki di bida lo mas posibel, pero semper manteniendo nos bista riba nan”. Ora cu nan bira mas grandi, lo tin un fundeshi bon traha den nan caracter pa por sigui construi ariba dje. E desafio mas grandi cu Brian por wak rond di dje ta cu hopi hoben ta trompica den e transishon pa bira un mayor. “Nos mester accepta e hecho cu e bienestar di nos yiu y famia ta prome cu tur cos”. Mester tin disicplina y respet, y idealismo ariba materialismo. Educashon en general a bay atras y hopi hende ta mas preocupa cu opinionan di hende straño riba social media, cu e opinion di nan mesun yiunan. Den nan cas semper ta bisa “Danki” y “Please”, nan ta zorg pa ora e muchanan ta step out of line, nan coregi esaki. Un ehempel di un di nos reglanan ta si mami pone un di nan riba “time out”, ta mami so por sak’e for di “time out” y vice-versa.

COMPARTI Y CONVIVI

Tambe nan ta siña nan cu den famia nan ta comparti tur cos cu otro. “E parti mas “soft” ta cu nos tur ta bisa otro cu nos ta stima otro den e momentonan mas random durante dia”. Na nan cas semper tin group-hugs (usualmente organisa door di Matias) na e momentonan mas spontaneo. “Nos hogar ta un regular hug-fest y esaki ta e parti mas great di tur, di berdad nos ta disfruta di compania di otro”. Cu Matias, Brian ta enjoy traha cos cu man, manera siña claba, traha cu tools enz, typical boys stuff. “Tambe nos ta enjoy nos training di Karate hunto, cual ta mantene nos den shape y siña disciplina”. Cu Sofia, Brian ta enjoy toca guitara mientras e ta canta y “toka” su maracanan of tamboerijn, tambe e ta gusta pa papi ta su pashent ora cu e ta doctor. Tur mainta nan ta canta yen cantica di mucha den auto na caminda pa scol. “Y dimes ora nan pega soño banda di nos y nos por observanan pa un rato y wak e bendicion cu nos tin den nan”.

YIUNAN C’UN CONSCIENCIA SOCIAL

Brian y Jimena a splicanan caba cu no ta tur hende tin mesun situacion di biba, y cu si por, mester yuda otronan sin importa con chikito e gesto ta. “Matias a yega di sugeri cu e lo kier donate su cosnan di hunga y si mami por yude separanan y paketanan pa hibanan. Esaki ta ilustra cu apesar cu e tin 5 aña, ya e ta compronde e concepto di compashon y cu e por haci algo pa afecta bidanan di otro positivamente. “Tambe nos ta splikanan cu nos ta traha hopi duro pa nos por provide pa nan y nan ta compronde esaki hopi bon”. Ora nan bira mas grandi lo siñanan cu mundo no debe abo nada, pero mas bien abo tin cu ta willing pa traha pa locual bo kier. “Mi deseo mas grandi ta pa nan ta feliz den tur locual nan haci, pa nan ta personanan independiente cu ta pensa pa nan mes. Mi kier pa nan tin nan mesun experiencianan y forma nan mesun opinion ariba tur cos sea religion, trabou of lifestyle

Profesion: Co- owner Print Media/ 4Sale Magazine 
Edad: 37
Yiunan: Matias (5) y Sofia (3)