Na e momento cu Shohaira Barnes da Silva a introduci Bestial dogwalk, niun hende por a imagina cu 11 aña despues elo ta e evento di cacho mas grandi na Aruba.

E shirtsnan yamativo,e beyesa di e cachonan y e tremendo organisacion ta e rason dicon e careda aki ta uno sumamente popular. Banderanan y imagen di cuminda mas gusta, Purina Pro Plan ta e rason dicon e cacho nan ta briya durante e dogwalk. Hopi ta esnan cu ta bin pa admira e coleccion di cacho cu Aruba tin.

E aña aki organisacion a amplia e dogwalk dor di a introduci Veterinario Stephany Wever den e special booth “Ask A Vet” di Pro Plan. Dr Stephany y dogbehavior specialist Shohaira semper a sa di educa grandi y chikito. E biaha aki cada persona por a acudi personal un rato pa un quick check up cu nan cacho y por a haci pregunta di biaha na Dr Stephany.

E CAREDA

Caranan conosi manera Julian, Camilo, Coffie y Alex ta para na e start line cu nan cacho. Sperando cu e aña aki atrobe lo por logra bay cu’n premio. E careda di dogwalk ta unico, simplemente paso e careda ta depende di e cacho y no di e coredo.

Den 13 min Lars Stolk cu su cacho Irish ta logra e titulo maximo, coriendo un increibel pace di 4.23. Loke ta haci e duo aki special ta cu Irish ta un cacho adopta for di Shelter. Lars cu Irish ta cliente fiel di Bestial y ta come Pro Plan. Pa “joke” Lars a pensa pa inscribi su mes, paso e sa su cacho gusta core pero nunca a imagina cu elo a bira e ganador absoluto.

Bestial Dog walk a logra premia un total di 62 ganador. E trofeonan ta alegra e doñonan cu a keda sastifecho cu nan titulo mientras cu e cacho ta logra haya diferente size di saco di Pro Plan como doggy Snacks di Dentalife como Beggingstrips. Yummy!!!