E LUCHA PA POR KEDA OFRECE CANNABIS MEDICINAL NA ESNAN SUFRIENDO

  1. XCL: Conta nos un poco di bomes?
    DAU: Den añanan ‘70 mi famia a emigra for di Santa Marta Colombia pa Aruba. Mi wela su tata ta originalmente di Corsou (Prince), mi wela su ruman muher tabata e prome cu a emigra pa Aruba y establece su mes ‘kinan. Huntu cu su casa ( Mi defunto tio Federico Wever) nan a habri un bar “Royal Den” na waf chikito den Playa. ( E edificio aki awor ta un joyeria, Ex Local Store). Mi a lanta den Klip, den Maria Christinastraat, mi a atende Colegio Ora Ubao Na Tanki Leedert, Rosario College, La Salle College y Colegio Arubano. Despues di Aruba mi a bai studia na Hulanda, mi a bai studia International Business.
  2. XCL: Pakico bo a scohe pa esaki?

    DAU: For Di Chikito Semper mi a gusta comercio, sea tabata un deal pa un kiniki of refresco, noem maar op. Semper mi tabata busca e manera con pa gana, cumpra of deal e kiniki mas bunita of zorg pa den eerste pauze mi haci algo cu ta bai garantisami mi coi bebe pa 2e pauze mirando cu ta net 1 dollar mi tabatin na mayoria vez.

  3. XCL: Con e periodo aki di bo bida tabata ta?
    DAU: E periodo aki di mi bida tabata un experiencia unico, mi a tuma decishonnan no bon cu mi lo mester a bai deal cune pa resto di mi bida. Mi a siña hopi mes den e etapa aki di mi bida, semper agradecido cu Dios cu mi ta na bida ainda y por conta un tiki di mi experiencia. Tur dia mi mester gradici Dios pa otro oportunidad.

  4. XCL: Desde ki tempo bo tin un interes den cannabis general?
    DAU: Desde 2012 cu mi wela tabata bringando pa si bida mi a bai deep den e subject.

  5. XCL: Bo mes a yega di uza esaki di forma recreacional?
    DAU: Si
  6. XCL: Kico ta e beneficionan cu bo ta mira den cannabis medicinal?
    DAU: E beneficion nan ta coutless, mi tin un paar di aña ta observa cautelosamente con nos pueblo di Aruba ta bayendo atras den locual ta nutrishon. Nos a wordo indoctrina den tur locual tin di haber cu nos comemento. Mi tin un paar di aña ta wak hopi hende sufri pavia di malesanan cu den e mundo farmaceutico no tin cura y mi a wak Cannabis Medicinal alivia hopi hende nan dolor. Muchanan cu problemanan grave di epilepsia. Mi a conoce un señora cu docter a dune un par di luna di bida unda awe e mesun señora a pasa 1 aña bai sin cu docter tabata sa con ta posibel, usando Cannabis Medicinal.

  7. XCL: Bo ta kere cu Cannabis Medicinal por reemplaza medicamentonan conoci?
    DAU: Cannabis por remplaza asina hopi otro medicamentonan cu ta ocashona dañonan permamente, mi ta dunabo un voorbeeld chikito. ‘KEPRA’ bo a yega di tende di e medicamento ey? Kepra ta keda duna na adultonan y te hasta muchanan chikito pa “yuda” nan cu nan epilepsia, pero e ta yuda di berdad? Absolutamente cu no! Mi a maak mee un mayor cu ta crese su mesun cannabis pa duna su yiu cu tin epilepsia, wel e mucha tin 11 luna sin haya ni un atake epileptico ! Su Docter a bise : Señora esaki ta un MILAGER.

  8. XCL: A base di ki informacion bo ta defende bo punto di bista riba e tema di Cannabis Medicinal ?

    DAU: Abase di hechonan, experiencia y situashonnan cu mi mes a confronta y wak cu mi mesun wowo. Tur locual mi ta papia mi por ‘back-up’ cu hechonan y prueba.

  9. XCL: Pakico bo ta kere cu hopi hende na Aruba ta opone nan mes na e uzo di Cannabis Medicinal?
    DAU: Paso nan a wordo indoctrina cu propagandanan falso y no tin muchu conocemento di e materia. Si nan lo a siña nos den biologie over e ENDOCANNABINOID SYSTEEM di e ser humano mi ta sigur cu nos tur lo tin un bista diferente riba e topico aki. KENNIS IS MACHT!

  10. XCL: Actualmente partido RED su representacion den parlamento ta boga pa legalisacion di cannabis medicinal y tambe pa traha mas den direccion di tolerancia pa locual ta e cultura rasta. Con abo ta pensa cu nan ta treciendo e punto aki dilanti y con lew bo ta mira cu nos a yega te cu esaki na Aruba?
    DAU: Wel prome cu tur cos mi ta respeta tur hende nan opinion y forma di trece cierto puntonan dilanti, cu mi ta di acuerdo con a presenta e topico y trese dilanti pa pueblo, ABSOLUTAMENTE CU NO. Nos a desvia FULL di locual e prioridad di legalisashon ta! HEAL THE SICK. Si bo ta un persona cu ta deal cu hende malo TUR dia bo lo comprondemi. Ora cu bo ta deal cu hende malo, nan dolor ta bira bo dolor, nan sufrimento ta bira bo sufrimento, un perdida di un di nan ser keri ta bira bo perdida tambe. Ora e persona su bida y salud ta interesabo di berdad bo lo haci tur cos imposibel bira posibel.
    Mi ta sigur cu si e personannan cu a pasa den un experiencia positivo cu e uzo di Cannabis Medicinal bin dilanti y conta nan experiencia na nos mandatarionan, e pueblo di Aruba lo wak un cambio. ‘Cause at the end of the day it’s not about YOU, it’s about the PEOPLE !

  11.  XCL: Abo personalmente ta kere cu e ta bon idea pa legalisa Cannabis recreacional tambe?

    DAU: No ban desvia di e subject, Concentrate on the Sick, Mi a maak mee hopi sufrimento di hendenan cu a wordo duna un paar di siman di bida dus keremi cu ora mi papia di legalisashon mi no kier tende nada otro cu no ta Cannabis Medicinal paso tur otro stap ta bai tuma lunanan di research e modelo cu lo keda huza pa Land van Aruba por ta ‘in total control’ di locual ta ‘production & Distribution’. Hendenan cu tin gana di biba un tiki mas pero nan salud no ta permiti nan y ta den hopi situashon nan no ta wordo duna un otro alternativa fuera di e medicamentonan popular y conoci den mundo farmaceutico ta riba kendenan nos tin cu keda concentra. Mi ta para fuerte pa locual mi ta kere aden pero ma siña cu den bida bo no por yega actua pa loco. Bo mester sinta analisa e situashon for di diferente punto di bista, no esun DIBO SO! Crea un stappenplan y ehecuta stap voor stap. Kiko e prome stap ta ? Ban yuda mamai cu papai cu tin yen dolor. CANNABIS MEDICINAL.

  12.  XCL: Kico lo ta e beneficionan di esaki pa nos isla?

    DAU:

    -Menos gasto pa azv
    -Menos Hende Malo
    -Better Health Care System
    -More Income pa Land Aruba
    -Menos depression Riba nos isla. ( Depression ta un silent killer)
    -Menos problema social den nos comunidad (enfermedadnan terminal y hopi biaha sin cura ta trece un problema financiero den famianan, tin ta bende nan auto, nan cas, tur cos pa por bai afo pa atende cu nan salud. Tin ta keda sin coriente na nan cas, sin awa, muchanan ta cuminsa anda mas riba caya paso mayornan ta afo luchando pa nan salud) Esei ta e domino effect cu nos ta haya cu ta yega te na problema nan social). E lista ta largo pero bo ta comprondemi mas o menos where Im going with all this.

  13. XCL: Con abo personalmente lo sigui traha riba bo caminda pa logra bo meta y kico e meta ta precisamente?

    DAU: Mi proposito den e bida aki ta pa yuda e menos afortunadonan, esnan cu conocemi personal lo compronde esaki un tiki mas mihor. Mi meta ta pa juda TUR cu bati na mi porta sin discrimina ningun. Den Futuro mi sa cu nos ta bai tin nos mesun linea di productonan Cannabis Medicinal rond mundo, mi ta djis anhela e dia cu Aruba por reconose su mesun yiunan di tera pa e gran talento y don cu nan tin. Mi lo desea di por ehecuta e soño aki desde Aruba mi isla stima y no mester bay afo pa crea un linea di producto cu mi sa cu lo ta bay ta un exito rond di mundo.

  14. XCL: Bo ta haciendo un trabou cu sinembargo no ta legal ainda. Bo tin miedo of ta sinti cu pavia di e detaye ey por stroba loke bo ta haciendo?
    DAU: Mi wela cu mi mama a siña mi cu bo mester tin berguensa/miedo di horta. E no ta ilegal den wowo di Dios, e ta un mata cu a wordo haci ilegal door di un grupo di hende hambra pa poder na aña 1937. Sigur cu e lo por strobami, pero mi tin hopi Fe cu Dios tin algo grandi prepara pa nos pa futuro, mi tin den mi poder suficiente prueba pa demostra nos mandatario nan cu na Aruba tin un grupo di hende bon prepara cu suficiente experiencia pa sinta traha na beneficio di Land Aruba, pero si esaki nunca yega na nada, nos team ta hayando basta oferta pa bai traha afo unda cu si ta permiti nos subi un mercado legal pa por trata nos hendenan.

  15. XCL: Ki mensahe bo tin pa non-believers di Cannabis Medicinal?

    DAU: Pa e non-believersnan, “One Day God Will Open Your Heart, Mind & Soul and you will believe”. Y esaki ta mas cu un statement e ta un un written fact.

     

SI BO DEAL CU HENDE MALO TUR DIA LO BO COMPRONDE E PAKICO DI CANNABIS MEDICINAL

Nomber completo: Daury Daniel Rodriguez Prince
Edad: 31
Estudio: Sales & Marketing (DropOut) 
Funcion: Marketing Manager na UpInSmoke Island Bar & Restaurant