Xclusivo Magazine a nace di e amor pa scirbi y conta storia di hendenan real cu ta biba of ta conecta cu nos isla Aruba cu e fin di inspira, informa, alerta of entretene.

Cu mas di 25 aña di experiencia den media local; di corant pa radio, revista y television, na 2004, e periodista Jacqueline Wernet a dicidi cu tabata e momento pa independisa y crea un revista den cual tur hende por tabatin un plataforma pa comparti nan storia cu otronan. Cu e sosten solido di comerciantenan local, na September di e mesun aña, un revista diferente cu contenido profundo a keda lansa y desde a tempo ey, no a bolbe wak patras.

E nomber ‘Xclusivo’ a keda inspira pa e serie di programanan di mesun nomber cu tabata trece reportahenan investigativo cu tabata un exito na television y asina a haya su extension c’un revista diferente riba mercado.

Awor cu Xclusivo Magazine Online, un plataforma nobo ta keda crea. Un solo plataforma awor, unda por haya tur e creacionnan cu a haci Xclusivo un exito, di revista, pa tv, noticia, actualidad, entretenimiento y mas, sea den forma di relato scirbi of video. Nos cobertura no ta limita na simpel farandula, sino hopi mas cu esey.

Nos team, ta hendenan cu ta stima locual nan ta haci, cual ta inclui, abo nos audiencia, pa kende nos ta habri pa ricibi informacion di dje y bira nos wowo eyfor mientras nos ta bira bo voz.

Cu e meta ey, nos ta sigui traha pa saca un revista di calidad, mensualmente, pa nos audiencia fiel. Xclusivo ta un revista di & pa tur hende.

Unicamente hunto, nos por logra haci cosnan grandi…